អង្គការមូលនិធិបង្ការរបួសអាស៊ី និងក្រុមហ៊ុនឈេហ្វរ៉ុន គូសគំនូរអប់រំអំពីសុវត្ថិភាពចរាចរណ៍
រាជធានីភ្នំពេញ-ថ្ងៃទី២៦ និងទី៣០ ខែមិថុនា ឆ្នាំ២០១៥៖
អង្គការមូលនិធិបង្ការរបូសអាស៊ី និងក្រុមហ៊ុនឈេហ្វរ៉ុន គូសគំនូរអប់រំអំពីសុវត្ថិភាពចរាចរណ៍នៅលើជញ្ជាំងសាលាដើម្បីលើកកម្ពស់ឥរិយាបថសុវត្ថិភាពចរាចរណ៍ ដើម្បីលើកកម្ពស់ការយល់ដឹងពីសុវត្ថិភាពចរាចរណ៍ និងបង្កើតឲ្យមានជារូបភាពលក្ខណៈវិជ្ជមានអំពីសុវត្ថិភាពចរាចរណ៍ក្នុងការរំលឹកដល់សិស្សានុសិស្ស ក្រុមហ៊ុនឈេហ្វរ៉ុន និងអង្គការមូលនិធិបង្ការរបួសអាស៊ីបានគូសគំនូរអំពីសុវត្ថិភាពចរាចរណ៍នៅលើជញ្ជាំងសាលារៀនចំនួនពីរ ក្នុងរាជធានីភ្នំពេញ។ ពិធីប្រកាសផ្តើមបានប្រព្រឹត្តនៅថ្ងៃនេះ ដើម្បីបង្ហាញពីការចាប់ផ្តើមអនុវត្តកម្មវិធី។
ដើម្បីលើកកម្ពស់ការយល់ដឹងពីសុវត្ថិភាពចរាចរណ៍ និងបង្កើតឲ្យមានជារូបភាពលក្ខណៈវិជ្ជមានអំពីសុវត្ថិភាពចរាចរណ៍ក្នុងការរំលឹកដល់សិស្សានុសិស្ស ក្រុមហ៊ុន ឈេហ្វរ៉ុន និងអង្គការមូលនិធិបង្ការរបួសអាស៊ីបានគូសគំនូរអំពីសុវត្ថិភាពចរាចរណ៍នៅលើជញ្ជាំងសាលារៀនចំនួនពីរក្នុងរាជធានីភ្នំពេញ។ ពិធីប្រកាសផ្តើមបានប្រព្រឹត្តនៅថ្ងៃនេះ ដើម្បីបង្ហាញពីការចាប់ផ្តើមអនុវត្តកម្មវិធី។
ក្រុមហ៊ុន ឈេហ្វរ៉ុនបានឧបត្ថម្ភគាំទ្រទៅលើការលាបរបង និងជញ្ជាំងសាលារួមជាមួយនិងការគូសគំនូរនៅសាលាបឋមសិក្សាភូមិ៧ និងសាលាបឋមសិក្សាវឌ្ឍនវិជ្ជា។ ផ្ទាំងគំនូរអប់រំដែលគូសនៅលើជញ្ជាំងសាលា និងរបងសាលារៀននីមួយៗមានចំនួនជាង៦ផ្ទាំងនឹងឆ្លុះបញ្ចាំងពីសុវត្ថិភាពចរាចរណ៍ ដូចជាការពាក់មួកសុវត្ថិភាពបានត្រឹមត្រូវ និងសារអប់រំសំខាន់ៗសម្រាប់សុវត្ថិភាពរបស់អ្នកថ្មើរជើង។ រូបភាពទាំងនេះក៏បានលើកទឹកចិត្តឲ្យមាតាបិតា អាណាព្យាបាលសិស្សយកចិត្តទុកដាក់ចំពោះសុវត្ថិភាពកូនៗរបស់គាត់ បន្ថែមទៀតនៅពេលធ្វើដំណើរនៅលើដងផ្លូវពេលទៅ និងមកពីសាលារៀន ហើយជាពិសេសគឺគំនូរពីការលើកទឹកចិត្តដល់ការពាក់មួកសុវត្ថិភាពឲ្យបានត្រឹមត្រូវក៏បានគូសនៅលើជញ្ជាំងសាលារៀនដែរ។
ការគូសផ្ទាំងគំនូរនៅលើជញ្ជាំង និងការលាបរបងសាលាគឺជាផ្នែកមួយនៃអង្គពិធីនៅថ្ងៃនេះ។ ក្រោមការអនុវត្តគម្រោងកាលពីពេលមុន ក្រុមហ៊ុនឈេហ្វរ៉ុន បានផ្តល់អំណោយមួកសុវត្ថិភាព១,៥០០មួកដល់សិស្សានុសិស្ស និងលោកគ្រូ អ្នកគ្រូនៅវិទ្យាល័យចំនួន៣កាលពីឆ្នាំសិក្សា ២០១២-២០១៣ និងមួកសុវត្ថិភាពចំនួន៩០០មួកដល់វិទ្យាល័យចំនួន២ផ្សេងទៀតកាលពីឆ្នាំសិក្សា២០១៣-០១៤ រួមជាមួយនឹងសកម្មភាពអប់រំអំពីសុវត្ថិភាពចរាចរណ៍។
លោក Hwang Chung Wo Daniel, Manager Cambodia Products នៃក្រុមហ៊ុនឈេហ្វរ៉ុន (ខេមបូឌា) លីមីធីតបានមានប្រសាសន៍ថា៖ “ការរឹតបន្តឹងស្តីពីឥរិយាបថត្រឹមត្រូវនៃសុវត្ថិភាពចរាចរណ៍ គឺមានសារៈសំខាន់ស្មើនឹងការអប់រំ”។ លោកបានបន្ថែមទៀតថា៖ “យើងចង់ឲ្យមានភាពប្រាកដថាសិស្សានុសិស្សបានចងចាំនូវសារៈសំខាន់នៃជំនាញសុវត្ថិភាពចរាចរណ៍។ ហើយគំនូរអប់រំដ៏ល្អនៅលើជញ្ជាំងទាំងអស់នេះនឹងដើរតួនាទីមួយក្នុងការដាស់តឿន និងលើកទឹកចិត្តដល់សិស្សានុសិស្ស”។
លោក ទួន គឹមស៊ីវុត នាយកសាលាបឋមសិក្សាភូមិ៧បានមានប្រសាសន៍ថា៖ “ផ្ទាំងគំនូរនៅលើជញ្ជាំងទាំងនេះបង្ហាញពីភាពរីករាយក្នុងការបង្កប់អត្ថន័យអប់រំជាច្រើន ហើយសិស្សានុសិស្សរបស់យើងស្រលាញ់ចូលចិត្តរូបភាពទាំងនេះណាស់!យើងមានក្តីរំភើបរីករាយណាស់ដែលបានឃើញនូវរូបភាពអប់រំដ៏ល្អដែលរំលឹកពីសុវត្ថិភាពចរាចរណ៍ដល់កុមារនៅជុំវិញសាលារៀនជារៀងរាល់ថ្ងៃ។ រូបភាពអប់រំនៅលើជញ្ជាំងទាំងនេះមានតួនាទីសំខាន់ណាស់ក្នុងការ រំលឹកដល់សិស្សានុសិស្សរបស់យើង”។
លោក គឹម បញ្ញា នាយកអង្គការមូលនិធិបង្ការរបួសអាស៊ីប្រចាំកម្ពុជាបានមានប្រសាសន៍ថា៖ “ផ្ទាំងគំនូរអប់រំនៅលើជញ្ជាំងទាំងនេះគឺជាវិធីសាស្រ្តអប់រំមួយដែលបង្កប់នូវភាពសប្បាយរីករាយផង និងចែករំលែកនូវសារអប់រំសុវត្ថិភាពចរាចរណ៍ដើម្បីសង្រ្គោះជីវិតកុមារ។ យើងខ្ញុំសូមសំដែងនូវអំណរគុណដល់ការប្តេជ្ញាចិត្តរបស់ក្រុមហ៊ុន ឈេហ្វរ៉ុន ក្នុងការថែរក្សាសុវត្ថិភាពកុមារនៅលើដងផ្លូវពេលធ្វើដំណើរទៅមកសាលារៀន”។
###
អំពីក្រុមហ៊ុន ឈេហ្វរ៉ុន (ខេមបូឌា) លីមីធីត
នៅក្នុងប្រទេសកម្ពុជា ក្រុមហ៊ុន ឈេហ្វរ៉ុន (ខេមបូឌា) លីមីធីត ធ្វើការលក់ផលិតផលប្រេងឥន្ធនៈCaltexTM ដែលជាម៉ាករបស់ ក្រុមហ៊ុន ឈេហ្វរ៉ុន ដែលមានការពេញនិយមពីសំណាក់អតិថិជន នៅតំបន់អាស៊ីប៉ាស៊ីហ្វីក និងតំបន់ផ្សេងទៀតក្នុងមជ្ឈិមបូពា៍ និងអាហ្រិ្វក។ នៅកម្ពុជាមានស្ថានីយប្រេងឥន្ធនៈ Caltex ចំនួន ២៤កន្លែង ផ្សារលក់ទំនិញ Star Marts® ១៧កន្លែង និងហាងកាហ្វេ (Coffee Plus gourmet) ចំនួន៨កន្លែង។ សម្រាប់ផលិតផលមានដូចជាប្រេងសាំង Caltex ជាមួយ Techron® និងប្រេងម៉ាស៊ូត Caltex ជាមួយ Techron® D ព្រមទាំងប្រេងរំអិលដូចជា Havoline® និង Revtex® មានលក់នៅគ្រប់ស្ថានីយ Caltex ទាំងអស់។
សម្រាប់ទំនាក់ទំនងផ្នែកព័ត៌មាន៖
អ្នកឯកទេសផ្នែកម៉ាក និងទំនាក់ទំនង
ជាន់ទី៤, អគារភ្នំពេញ ផ្លូវលេខ ២៧៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ
ទូរស័ព្ទលេខ៖ ៨៥៥ ២៣ ២២៣ ៣៥៥, អ៊ីម៉ែល៖ cclpgpa@chevron.com៕
អំពីអង្គការមូលនិធិបង្ការរបួសអាស៊ី
អង្គការមូលនិធិបង្ការរបួសអាស៊ី គឺជាអង្គការមិនមែនរដ្ឋាភិបាល និងមិនស្វែងរកប្រាក់ចំណេញដែលមានការប្តេជ្ញាចិត្តយ៉ាងមុតមាំ ក្នុងការបង្ការការរងរបួស និងការស្លាប់ដោយសារគ្រោះថ្នាក់ចរាចរណ៍នៅក្នុងបណ្តាប្រទេសដែលមានចំណូលទាប និងមធ្យម។ អស់រយៈពេល១៥ឆ្នាំមកហើយដែលអង្គការមូលនិធិបង្ការរបួសអាស៊ី បានអនុវត្តកម្មវិធីសុវត្ថិភាពចរាចរណ៍ដ៏មានប្រសិទ្ធភាពនៅបណ្តា ប្រទេសជាច្រើនរួមមាននៅទ្វីបអាស៊ី និងទ្វីបអាហ្វ្រិច។ ដើម្បីស្វែងយល់បន្ថែម សូមចូលទស្សនាគេហទំព័រ asiainjury.org ឬភ្ជាប់ទំនាក់ទំនងជាមួយយើងខ្ញុំនៅលើ Twitter @AIPFoundation ។
សម្រាប់ព័ត៌មានបន្ថែម សូមទំនាក់ទំនង៖
លោក គឹម បញ្ញា
នាយក អង្គការមូលនិធិបង្ការរបួសអាស៊ី ប្រចាំប្រទេសកម្ពុជា
ផ្ទះលេខ ១៨បេអឺ០ ផ្លូវលេខ ៣៤៨ សង្កាត់ទូលស្វាយព្រៃទី១ ខណ្ឌចំការមន រាជធានីភ្នំពេញ
ទូរស័ព្ទលេខ៖ ៨៥៥ ១២ ៤២៤ ២៣៤; អ៊ីម៉ែល៖ pagna.kim@aipf-cambodia.org ៕