លោក គ្រូ អ្នកគ្រូនៅវិទ្យាល័យចំនួនពីរក្នុងរាជធានីភ្នំពេញទទួលបានការបណ្តុះបណ្តាលអំពីសុវត្ថិភាពចរាចរណ៍ ក្រោមការគាំទ្រពីក្រុមហ៊ុនឈេហ្វរ៉ុន
ក្នុងវគ្គបណ្តុះបណ្តាលខាងលើ
លោកគ្រូ អ្នកគ្រូ នៃវិទ្យាល័យទំាងពីរបានទទួលចំណេះដឹង បន្ថែមជាច្រើនស្តីពីបញ្ហាប្រឈមបង្កឡើងដោយគ្រោះថ្នាក់ចរាចរណ៍ និងវិធីការពារខ្លួនពី
គ្រោះថ្នាក់ដ៏មហន្តរាយនេះ ព្រមទាំងអំពីសារៈសំខាន់នៃការពាក់មួកសុវត្ថិភាព តាមរយៈការផ្តល់ជាទិន្នន័យពីរបាយការណ៍នៃប្រព័ន្ធព័ត៌មានជនរង គ្រោះ និងគ្រោះថ្នាក់ចរាចរណ៍នៅ
កម្ពុជាបទបង្ហាញសំខាន់ៗ និងការចែករំលែកបទពិសោធន៍ផ្ទាល់ទាក់ទងនឹងគ្រោះថ្នាក់ចរាចរណ៍ពី គ្រូឧទេ្ទស។ លោកគ្រូ អ្នកគ្រូ ក៏បានរៀនសូត្របន្ថែមទៀតអំពីរបៀបពាក់មួក សុវត្ថិភាពបានត្រឹមត្រូវ ពីព្រោះមួកសុវត្ថិភាពអាចជួយការពារការរងរបួសក្បាលបានដែលអាច នាំឲ្យស្លាប់
ឬពិការជាអចិន្ត្រៃយ៍ នៅពេលណាដែលការពាក់មួកសុវត្ថិភាពនោះមាន ភាពត្រឹមត្រូវ។ សំខាន់ជាងនេះទៅទៀត លោកគ្រូ
អ្នកគ្រូ ក៏បានធ្វើការប្តេជ្ញាចិត្តថានឹងពាក់មួកសុវត្ថិភាពរាល់វេលា ធ្វើដំណើរតាមទោចក្រយានយន្ត
មិនថាទៅកាន់ទីកន្លែងជិត ឬ ធ្វើដំណើរយឺតៗ ហើយលោកគ្រូ អ្នកគ្រូ បានចុះហត្ថលេខាជាបុគ្គលលើញ្ញត្តិគាំទ្រឲ្យមានបទបញ្ញត្តិស្តី ពីការពាក់មួកសុវត្ថិភាពសម្រាប់អ្នករួមដំណើរតាមទោចក្រយានយន្ត គិតទាំងកុមារ នៅក្នុងសេចក្តីព្រាងច្បាប់ស្តីពីចរាចរណ៍ផ្លូវគោក (ថ្មី) ដែលកំពុងពិនិត្យ និងកែសម្រួលនៅទីស្តីការគណៈរដ្ឋមន្រ្តី។
គួរបញ្ជាក់ថា នៅថ្ងៃទី២៤
និងថ្ងៃទី៣០ ខែធ្នូ ឆ្នាំ២០១៣ខាងមុខនេះ
ក្រុមហ៊ុនឈេហ្វរ៉ុន សហការជាមួយអង្គការមូលនិធិបង្ការរបួស
អាស៊ី នឹងប្រារព្ធពិធីផ្តល់អំណោយមួកសុវត្ថិភាព
នៅវិទ្យាល័យ ហ៊ុន សែន ប៊ុនរ៉ានី វត្តភ្នំ និងវិទ្យាល័យ បឹងត្របែក ក្នុងរាជធានីភ្នំពេញដែលជាផ្នែកមួយនៃកម្មវិធី “មួកសុវត្ថិភាពសម្រាប់យុវជន”។ មួកសុវត្ថិភាពចំនួន ៩០០មួក នឹង ត្រូវបានផ្តល់ជូនដល់សិស្សានុសិស្ស
លោកគ្រូ អ្នកគ្រូ នៅក្នុងពិធីនោះក្នុងគោលបំណងបន្តរួមចំណែកលើកកម្ពស់សុវត្ថិភាព ចរាចរណ៍
និងជម្រុញការពាក់មួកសុវត្ថិភាពក្នុងចំណោម អ្នកបើកបរទោចក្រ និងអ្នករួមដំណើរជាមួយបន្ថែមពីលើសកម្មភាពអប់រំផ្សព្វផ្សាយ និងតាមដានវាយតម្លៃដែលនឹងអនុវត្តជាបន្តបន្ទាប់ពេញមួយឆ្នាំ សិក្សា (២០១៣-២០១៤)។