វេទិកាពិភាក្សាស្តីពីសុវត្ថិភាពចរាចរណ៍ អនុវត្តស្របពេលនឹងទិវានារីអន្តរជាតិ
៖ កាលពីថ្ងៃទី៥ ខែមីនា ឆ្នំា២០១៥ ក្នុងគោលបំណងគាំទ្រដល់ទិវានារីអន្តរជាតិ ៨មីនា អង្គការមូលនិធិបង្ការរបួស អាស៊ី បានប្រារព្ធវេទិកាពិភាក្សារំអំពីសុវត្ថិភាពចរាចរណ៍ក្រោមប្រ ធានបទ “អ្នកម្តាយខ្ញុំ និងការពាក់មួកសុវត្ថិភាព” នៅសាលាបឋមសិក្សាអនុវត្ត។ វេទិកានេះគឺជាផ្នែកដ៏សំខាន់មួយនៃកម្មវិធីមួកសុវត្ថិភាព សម្រាប់គ្រួសារដែលកំពុងអនុវត្តដោយមានការគាំទ្រពីក្រុមហ៊ុន មេនូឡាយហ្វ៍ (ខេមបូឌា) ភីអិលស៊ី។ នៅក្នុងវេទិការពិភាក្សានោះ អ្នកម្តាយជាច្រើនទទួលបាននូវព័ត៌មាន និងពិភាក្សាអំពីផលប៉ះពាល់នៃគ្រោះថ្នាក់ចរាចរណ៍ទៅលើសង្គម និងក្រុមគ្រួសាររបស់ខ្លួន, ទំនាក់ទំនងរវាងការបង្ការរបួស និងការពាក់មួកសុវត្ថិភាព, តួនាទីមាតាបិតាក្នុងការជំរុញកូនៗឲ្យពាក់មួកសុវត្ថិភាព ជាពិសេសដើម្បីឲ្យពួកគាត់បានយល់ដឹងពីច្បាប់ស្តីពីចរាចរណ៍ ផ្លូវគោក(ថ្មី) ដែលក្នុងនោះបានកំណត់ឱ្យអ្នករួមដំណើរតាមទោចក្រយានយន្ត (ម៉ូតូ) ព្រមទាំងកុមារដែលមានអាយុចាប់ពី ៣ឆ្នាំឡើងទៅត្រូវពាក់មួកសុវត្ថិភាពឱ្យបានត្រឹមត្រូវ។
លោកស្រី កែវ
ឆវី មន្ត្រីគណៈកម្មាធិការជាតិសុវត្ថិភាពចរាចរណ៍បានមានប្រសាសន៍ ថា៖ “យោងតាមទិន្នន័យគ្រោះថ្នាក់ចរាចរណ៍អ្នកស្លាប់ដោយគ្រោះថ្នាក់ ចរាចរណ៍មាន ៦៨ភាគរយ
គឺជាអ្នកជិះម៉ូតូ។ ក្នុងចំណោមអ្នកស្លាប់ទាំងអស់នោះមាន ៦២ភាគរយ បានទទួលរងការប៉ះទង្គិចក្បាលយ៉ាងធ្ងន់ធ្ងរ
។ ពេលមានគ្រោះថ្នាក់ចរាចរណ៍កើតឡើងមានអ្នកជិះម៉ូតូប្រមាណតែ២០ ភាគរយប៉ុណ្ណោះដែលបានពាក់មួកសុវត្ថិភាព។
ទាំងនេះគឺជាតួលេខក្នុងកម្រិតទាបមួយដែលគួរអោយព្រួយបារម្ភ ហើយនេះគឺជាមូលហេតុដែលយើងត្រូវតែចែករំលែកព័ត៌មានដ៏មានសារៈ សំខាន់នេះជាមួយមាតាបិតាសិស្សានុសិស្សនៅក្នុងថ្ងៃនេះ”។
លោក គឹម បញ្ញា
នាយកអង្គការមូលនិធិបង្ការរបួស អាស៊ីប្រចាំប្រទេសកម្ពុជាបានមានប្រសាសន៍ថា៖ “យើង សូមលើកទឹកចិត្តឲ្យអ្នកម្តាយគ្រប់រូបពាក់មួកសុវត្ថិភាពគ្រប់ ពេលធ្វើដំណើរតាមទោចក្រយានយន្តទោះជិះជិត
ឬយឺតៗ ហើយត្រូវប្រាកដថាអ្នករួមដំណើរជាមួយ ជាពិសេសកូនៗរបស់យើងក៏បានពាក់មួកសុវត្ថិភាពដែរ”។ លោកបានបន្ថែមទៀតថា៖ “ការយកចិត្តទុកដាក់ចំពោះកូនៗ និងក្រុមគ្រួសាររបស់អ្នកគឺជាអាទិភាពចំបងទី១ នៅពេលដែលយើងធ្វើដំណើរលើផ្លូវថ្នល់”។
ឯកឧត្តម ឧត្តមសេនីយ៍ទោ ទី
ឡុង បានបញ្ជាក់ឲ្យដឹងថា៖ “ក្នុងឱកាសទិវាសិទ្ធិនារីអន្តរជាតិនេះ យើងមានឱកាសផ្សព្វផ្សាយពីច្បាប់ដែលកំណត់ពីការពាក់មួកសុវត្ថិ ភាពក្នុងចំណោមអ្នករួមដំណើរតាមម៉ូតូព្រមទាំងកុមារដល់អ្នក ម្តាយ។ យើងខ្ញុំក៏សូមរំលឹកផងដែរថាអ្នករួមដំណើរតាមទោចក្រយានយន្ត ព្រមទាំងកុមារដែលមិនពាក់មួកសុវត្ថិភាពនឹងមិនមានតទៅទៀតនោះទេ ។ ចៀសវាងការពិន័យ និងសោកនាដកម្មពីការមិនពាក់មួកសុវត្ថិភាព ហើយដើម្បីអនាគតដ៏រុងរឿងរបស់កូនៗរបស់ខ្លួន សូមអ្នកម្តាយគ្រប់រូបពាក់មួកសុវត្ថិភាពឲ្យកូនៗនៅពេលពួកគេ ធ្វើដំណើរតាមម៉ូតូ”។
គួបញ្ជាក់ថាកាលពីថ្ងៃទី ២២
ខែវិច្ឆិកា ឆ្នាំ ២០១៤ កន្លងទៅនេះ អង្គការមូលនិធិបង្ការរបួស អាស៊ី ដោយមានការគាំទ្រពី
ក្រុមហ៊ុនមេនូឡាយហ្វ៍ (ខេមបូឌា) ភីអិលស៊ី បានផ្តល់អំណោយមួកសុវត្ថិភាពដល់សិស្សានុសិស្ស លោកគ្រូ អ្នកគ្រូ
និងមាតាបិតាសិស្សចំនួន ៨៣២នាក់។ ហើយជាមួយនឹងការគាំទ្រនេះ
អង្គការមូលនិធិបង្ការរបួស អាស៊ី សហការជាមួយក្រសួងអប់រំយុវជន និងកីឡា អគ្គស្នងការដ្ឋាននគរបាលជាតិ និងគណៈកម្មាធិការជាតិសុវត្ថិភាពចរាចរណ៍ផ្លូវគោក នឹងអនុវត្តសកម្មភាព ផ្សេងៗទៀតនៅក្នុងសាលាបឋមសិក្សាអនុវត្ត។
*****
អំពីអង្គការមូលនិធិបង្ការរបួសអាស៊ី
អង្គការមូលនិធិបង្ការរបួស
អាស៊ី គឺជាអង្គការមិនមែនរដ្ឋាភិបាល
និងមិនស្វែងរកប្រាក់ចំណេញ ដែលមានការប្តេជ្ញាចិត្តយ៉ាងមុតមាំក្នុងការបង្ការការរងរបួស និងការស្លាប់ដោយសារគ្រោះថ្នាក់ចរាចរណ៍នៅក្នុងបណ្តាប្រទេសដែល មានចំណូលទាប និងមធ្យម។ អស់រយៈពេល១៥ឆ្នាំមកហើយដែលអង្គការមូលនិធិបង្ការរបួស អាស៊ី បានអនុវត្តកម្មវិធីសុវត្ថិភាពចរាចរណ៍ដ៏មានប្រសិទ្ធភាពនៅបណ្តា ប្រទេសជាច្រើនរួមមាននៅទ្វីបអាស៊ី
និងទ្វីបអាហ្វ្រិច។ ដើម្បីស្វែងយល់បន្ថែម សូមចូលទស្សនាគេហទំព័រ asiainjury.org ឬភ្ជាប់ទំនាក់ទំនងជាមួយយើងខ្ញុំនៅលើ Twitter @AIPFoundation.
*****
អំពីក្រុមហ៊ុនមេនូឡាយហ្វ៍ខេមបូឌា
(Manulife
Cambodia)
ក្រុមហ៊ុន មេនូឡាយហ្វ៍
(ខេមបូឌា) បានចាប់ផ្ដើមប្រតិបត្តិការរបស់ខ្លួននៅថ្ងៃទី២៨
ខែមិថុនា ឆ្នាំ២០១២។ នេះ គឺទីផ្សារថ្មីចុងក្រោយរបស់ក្រុមហ៊ុន មេនូឡាយហ្វ៍
ដែលជាក្រុមហ៊ុនធានារ៉ាប់រងអាយុ ជីវិតឈានមុខគេមួយក្នុងពិភពលោក។ ក្នុងនាមជាក្រុមហ៊ុនធានារ៉ាប់រងអាយុជីវិតបរទេសដំបូងគេនៅ ព្រះរាជាណាចក្រកម្ពុជា
ក្រុមហ៊ុនមេនូឡាយហ្វ៍ (ខេមបូឌា) បានប្ដេជ្ញាចិត្តក្នុងការផ្ដល់ជូនអតិថិជននូវផលិតផល និងសេវាកម្មផ្នែកការការពារហិរញ្ញវត្ថុដែលជាតម្រូវការចាំបាច់ របស់ពួកគាត់។
អំពីក្រុមហ៊ុនមេនូឡាយហ្វ៍
ក្រុមហ៊ុន មេនូឡាយហ្វ៍ គឺជាក្រុមហ៊ុនផ្តល់សេវាហិរញ្ញវត្ថុឈានមុខគេដែលមានមូលដ្ឋាននៅ ប្រទេសកាណាដា
និងមានប្រតិបត្តិការធំៗនៅអាស៊ី កាណាដា និងសហរដ្ឋអាមេរិក។ ក្រុមហ៊ុនធើ្វប្រតិបត្តិការរបស់ខ្លួននៅ តំបន់នានាក្នុងពិភពលោកក្រោមឈ្មោះថាក្រុមហ៊ុនមេនូឡាយ និងនៅសហរដ្ឋអាមេរិកក្រោមឈ្មោះថាក្រុមហ៊ុន
John Hancock ។ យើងខ្ញុំបានផ្តល់នូវដំណោះស្រាយដែលមានភាពរឹងមាំ
ការជឿជាក់ ទំនុកចិត្ត និងការគិតឆ្ពោះទៅមុខសម្រាប់ការសម្រេចចិត្តដ៏សំខាន់ៗទាក់ទង នឹងហិរញ្ញវត្ថុរបស់អតិថិជន។ បណ្តាញជាលក្ខណៈអន្តរជាតិនៃនិយោជិត
ភ្នាក់ងារ និងដៃគូចែកចាយរបស់យើងខ្ញុំកំពុងផ្តល់ជូនដល់អតិថិជនរាប់លាន នាក់នូវផលិតផល
និងសេវាកម្មការពារផែ្នកហិរញ្ញវត្ថុ និងផែ្នកគ្រប់គ្រងទ្រព្យសម្បត្តិ។ យើងខ្ញុំក៏ផ្តល់ជូនផងដែរនូវសេវាគ្រប់គ្រងទ្រព្យសកម្មជូនដល់ អតិថិជនដែលជាស្ថាប័នផងដែរ។ ថវិកាដែលស្ថិតក្រោមការគ្រប់គ្រងរបស់ក្រុមហ៊ុនមេនូឡាយហ្វ៍ និងក្រុមហ៊ុនសាខារបស់ខ្លួនមានចំនួន ៦៦៣ពាន់លានដុល្លាកាណាដា
(ស្មើនឹង ៥៩១ពាន់លានដុល្លារ អាមេរិក) គិតត្រឹមថ្ងៃទី៣០ ខែកញ្ញា ឆ្នាំ២០១៤។
សាជីវកម្ម
មេនូឡាយហ្វ៍ហ្វាយនែនសល ត្រូវបានជួញដូរក្រោមឈ្មោះ «MFC» នៅក្នុងផ្សារមូលប័ត្រប្រទេសកាណាដា (TSX) ផ្សារមូលប័ត្រញូយ៉ក (NYSE) និងផ្សារមូលប័ត្រហ្វីលីពីន (PSE) ហើយក្រោមឈ្មោះ «945» នៅក្នុងផ្សារមូលប័ត្រហុងកុង (SEHK)។ សម្រាប់ព័ត៌មានបន្ថែមអំពីក្រុមហ៊ុន មេនូឡាយហ៍្វហ្វាយ សូមចូលទៅកាន់គេហទំព័រ manulife.com។
*****
សម្រាប់ទំនាក់ទំនងសារព័ត៌មាន៖
ក្រុមហ៊ុន មេនូឡាយ (ខេមបូឌា) ភីអិលស៊ី អង្គការមូលនិធិបង្ការរបួស អាស៊ី
លោក ពន្លឺ តុលា លោក គឹម បញ្ញា
នាយកផ្នែកទំនាក់ទំនងអតិថិជន
នាយកប្រចាំប្រទេសកម្ពុជា
លេខទូរស័ព្ទ៖ ០២៣ ៩៦៥ ៩៦៥
លេខទូរស័ព្ទ៖ ០១២ ៤២៤ ២៣៤
អ៊ីម៉ែល៖ tola_ponlu@manulife.com អ៊ីម៉ែល៖
pagna.kim@aipf-cambodia.org