ក្រុមហ៊ុន មេនូឡាយហ្វ៍ ខេមបូឌា និងអង្គការមូលនិធិបង្ការរបូសអាស៊ីប្រារព្ធយុទ្ធនាការសុវត្ថិភាពចរាចរណ៍ក្នុងឆ្នាំទី៣ ដោយការផ្តល់អំណោយជាមួកសុវត្ថិភាពយ៉ាងច្រើន
រាជធានីភ្នំពេញ, ប្រទេសកម្ពុជា
៖ ថ្ងៃនេះក្រុមហ៊ុនមេនូឡាយហ្វ៍ ខេមបូឌានិងអង្គការមូលនិធិបង្ការរបួសអាស៊ីប្រារព្ធខួបឆ្នាំទី៣នៃការអនុវត្តគម្រោង មួកសុវត្ថិភាពសម្រាប់គ្រួសារ របស់អង្គការមូលនិធិបង្ការរបួស អាស៊ីក្នុងប្រទេសកម្ពុជាដោយធ្វើការផ្តល់អំណោយមួកសុវត្ថិភាពចំនួន៨៣២មួកដល់លោកគ្រូ អ្នកគ្រូ សិស្សានុសិស្សនិងមាតាបិតាសិស្សនៅក្នុងពិធីដ៏សំខាន់មួយដែលប្រារព្ធធ្វើឡើងនៅសាលា បឋមសិក្សា អនុវត្ត ស្ថិតក្នុងរាជធានីភ្នំពេញ។
គម្រោងនេះ
បានទទួលការគាំទ្រពីក្រុមហ៊ុន មេនូឡាយហ្វ៍ ខេមបូឌា ដើម្បីលើកកម្ពស់សុវត្ថិភាពចរាចរណ៍ និងការពាក់មួកសុវត្ថិភាពនៅសហគមន៍តាមរយៈការអប់រំ ការផ្តល់អំណោយមួកសុវត្ថិភាព និងការចុះអប់រំផ្សព្វផ្សាយនៅតាមសហគមន៍។
គម្រោង “មួកសុវត្ថិភាពសម្រាប់គ្រួសារ” មានគោលបំណងលើកកម្ពស់ការពាក់មួកសុវត្ថិភាពក្នុងរាជធានីភ្នំពេញ។
មានអ្នកចូលរួមក្នុងពិធីនេះជាសរុបប្រមាណជិត ១,០០០នាក់ដែលរួមមាន សិស្សានុសិស្ស លោកគ្រូ-អ្នកគ្រូមាតាបិតាសិស្ស
រួមទាំងតំណាងមន្ត្រីរដ្ឋាភិបាល និងដៃគូពាក់ព័ន្ធដែលធ្វើការខាងសុវត្ថិភាពចរាចរណ៍។ អញ្ជើញជាអធិបតីនៃអង្គពិធីដ៏មានសារៈសំខាន់នេះ
រួមមាន ឯកឧត្តមបណ្ឌិត ហង់ ជួន
ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោកជំទាវ មឹន មាណវី រដ្ឋលេខាធិការ
ក្រសួងសាធារណការ និងដឹកជញ្ជូន និងជាអនុប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក។
លោកជំទាវ មឹន មាណវី
រដ្ឋលេខាធិការ ក្រសួងសាធារណការ និងដឹកជញ្ជូន និងជា អនុប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោកបាន មានប្រសាសន៍ថា៖ “នាពេលបច្ចុប្បន្ននេះ ក្នុងមួយថ្ងៃៗគិតជាមធ្យមមានមនុស្សប្រមាណជាង ៥នាក់បានស្លាប់បាត់បង់ជីវិតដោយគ្រោះថ្នាក់ចរាចរណ៍ និង៣៩នាក់ផ្សេងទៀតបានទទួលរងរបួសនៅលើផ្លូវថ្នល់ក្នុងប្រទេស កម្ពុជា។ ៦៩ភាគរយនៃអ្នកស្លាប់គឺជាអ្នកប្រើប្រាស់ទោចក្រយានយន្ត ហើយក្នុងចំណោមអ្នកស្លាប់ទាំងអស់នោះមាន ៦២ភាគរយបានទទួលរងការប៉ះទង្គិចក្បាល។”
លោកជំទាវបានបន្ថែមទៀតថា៖ “យោងតាមរបាយការណ៍សាកល របស់អង្គការសុខភាពពិភពលោកកាលពីឆ្នាំ២០១១
បានបង្ហាញថា អត្រាពាក់មួកសុវត្ថិភាពក្នុងចំណោមអ្នកបើកបរទោចក្រយានយន្តមាន ៦៥ភាគរយ
ប៉ុន្តែសម្រាប់អ្នករួមដំណើរជាមួយមានប្រមាណតែ ៩ភាគរយប៉ុណ្ណោះ។ នៅពេលដែលយើងធ្វើការវិភាគ អំពីកម្រិតនៃការពាក់មួកសុវត្ថិភាពពេលមានគ្រោះថ្នាក់ចរាចរណ៍ កើតឡើង
គឺមានអ្នកពាក់មួកសុវត្ថិភាពតិចតួចបំផុត។ ដោយក្នុងនោះ
មានអ្នកធ្វើដំណើរតាមទោចក្រយានយន្ត ដែលទទួលរងគ្រោះថ្នាក់ប្រមាណ ៨០ភាគរយ មិនបានពាក់មួកសុវត្ថិភាពនៅពេលដែលមានគ្រោះថ្នាក់ចរាចរណ៍កើត ឡើង”។
ឯកឧត្តមបណ្ឌិត ហង់ ជួន
ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា៖ “ប្រទេសកម្ពុជា និងបណ្តាប្រទេសជាង ១០០ផ្សេងទៀត បានឯកភាពគាំទ្រទៅលើសេចក្តីសម្រេច របស់អង្គការសហប្រជាជាតិដែលបានកំណត់ទសវត្សរ៍នេះថាជាទស វត្សរ៍សុវត្ថិភាពចរាចរណ៍ផ្លូវគោក។ ដើម្បីគាំទ្រដល់សេចក្តីសម្រេចនេះ រាជរដ្ឋាភិបាលកម្ពុជាបានកសាង និងអនុម័តរួចហើយនូវសេចក្តីព្រាងច្បាប់ស្តីពីចរាចរណ៍ផ្លូវគោក (ថ្មី)ក្នុងនោះ បានកំណត់ឱ្យអ្នករួមដំណើរតាមទោចក្រយានយន្ត គិតទាំងកុមារ ត្រូវតែពាក់មួកសុវត្ថិភាព។
នាពេលបច្ចុប្បន្ន សេចក្តីព្រាងច្បាប់ដ៏មានសារៈសំខាន់នេះ គឺកំពុងរង់ចាំតែការពិនិត្យ និងអនុម័តពីស្ថាប័ននីតិបញ្ញត្តិប៉ុណ្ណោះ”។
ឯកឧត្តមរដ្ឋមន្រ្តីបានមានប្រសាសន៍បន្ថែមទៀតថា៖ “គម្រោងមួកសុវត្ថិភាពសម្រាប់គ្រួសារ គឺជាផ្នែកមួយដ៏សំខាន់នៃកិច្ចខិតខំប្រឹងប្រែងរបស់យើង ដើម្បីបង្កើនអត្រានៃការពាក់មួកសុវត្ថិភាព ជាពិសេសក្នុងចំណោមកុមារជាសិស្សានុសិស្សនៅក្នុងអំឡុងនៃការ អនុវត្តគម្រោងនេះ ដោយធ្វើការផ្សារភ្ជាប់សកម្មភាពរបស់គម្រោងជាមួយសហគមន៍ទាំង មូល។ យើងខ្ញុំសូមជម្រុញ
និងលើកទឹកចិត្តដល់មាតាបិតា ឬអាណាព្យាបាលទាំងអស់សូមបន្តជួយអប់រំដល់កូនៗរបស់ខ្លួន បន្ថែមទៀត ឲ្យបានយល់ដឹងកាន់តែច្បាស់ពីសារៈសំខាន់នៃការពាក់មួក សុវត្ថិភាពនៅពេលធ្វើដំណើរតាមទោចក្រយានយន្ត។ ហើយយើងខ្ញុំក៏មានសេចក្តីសោមនស្សរីករាយយ៉ាងខ្លាំងដែលបានឃើញ វត្តមាននៃអ្នកចូលរួមគាំទ្រយ៉ាងច្រើននៅក្នុងអង្គពិធីនាថ្ងៃ នេះ។”
បន្ថែមទៅលើការគាំទ្រដល់គម្រោង បុគ្គលិកក្រុមហ៊ុនមេនូឡាយហ្វ៍
ខេមបូឌា បានចូលរួមយ៉ាងសកម្មក្នុងការអនុវត្តសកម្មភាពរបស់គម្រោង “មួកសុវត្ថិភាពសម្រាប់គ្រួសារ” ដូចជាការចូលរួមគូរគំនូរសុវត្ថិភាពចរាចរណ៍លើជញ្ជាំងសាលា បង្រៀនសិស្សានុសិស្សពីរបៀបពាក់មួកសុវត្ថិភាពដ៏ថ្មីរបស់ពួកគេ ឲ្យបានត្រឹមត្រូវ ហើយនឹងចូលរួមជាមួយអង្គការមូលនិធិបង្ការរបួស
អាស៊ី លើសកម្មភាពបណ្តុះបណ្តាលស្តីពីសុវត្ថិភាពចរាចរណ៍ដល់សិស្សានុ សិស្ស និងមាតាបិតាសិស្ស ។
លោក Robert Elliott ប្រធាននាយកប្រតិបត្តិ និងជា អគ្គនាយក ក្រុមហ៊ុនមេនូឡាយហ្វ៍ ខេមបូឌា
បានមានប្រសាសន៍ថា៖ “គោលដៅរបស់យើងគឺដើម្បីជួយផ្តល់នូវអនាគតកាន់តែប្រសើរ សម្រាប់កុមារកម្ពុជា
និងក្រុមគ្រួសារ ។”
លោកបានបន្ថែមទៀតថា ៖ ”ការសហការនៃផ្នែកទំនួលខុសត្រូវសង្គមរបស់ក្រុមហ៊ុនគឺមិន មែនគ្រាន់តែជាតម្លៃស្នូលមួយនោះទេ តែវាគឺជាការប្តេជ្ញាចិត្តដោយគ្មានងាករេរបស់យើង។ នេះគឺជាឆ្នាំទីបីរបស់ពួកយើងក្នុងការផ្តល់អំណោយមួក សុវត្ថិភាព ហើយខ្ញុំជឿថាការផ្តល់អំណោយរបស់យើងនៅថ្ងៃនេះរួមជាមួយនឹង សកម្មភាពសុវត្ថិភាពចរាចរណ៍នឹងជួយឱ្យសហគមន៍កាន់តែមានសុវត្ថិ ភាព
និងមានអ្នកប្រើប្រាស់ផ្លូវកាន់តែឆ្លាតវៃ។”
លោក គឹម បញ្ញា
នាយកអង្គការមូលនិធិបង្ការរបួស អាស៊ីប្រចាំប្រទេសកម្ពុជាបានមានប្រសាសន៍ថា៖ “អង្គការ មូលនិធិបង្ការរបួស អាស៊ី សូមសំដែងនូវការកោតសរសើរយ៉ាងមុតមាំដល់ការប្តេជ្ញាចិត្តរបស់ ក្រុមហ៊ុនមេនូឡាយហ្វ៍
ខេមបូឌាក្នុងការគាំទ្រគម្រោង មួកសុវត្ថិភាពសម្រាប់គ្រួសារ”។
លោកបានបន្ថែមទៀតថា៖ “មួកសុវត្ថិភាពដែលបានផ្តល់អំណោយនាថ្ងៃនេះនឹងជួយការពារកុមារ របស់យើង លោកគ្រូ អ្នកគ្រូ និងមាតាបិតាសិស្សពីការរងរបួសក្បាលធ្ងន់ធ្ងរ នៅពេលមានគ្រោះថ្នាក់ចរាចរណ៍ដែលអាចកើតឡើងទាំងនៅថ្ងៃនេះ និងនាពេលអនាគត។ ខ្ញុំជឿជាក់ថាអ្នកចូលរួមយ៉ាងច្ច្រើនក្នុងថ្ងៃនេះ
គឺបានបង្ហាញឱ្យឃើញថាតើសហគមន៍របស់យើងបានបេ្តជ្ញាចិត្តកម្រិត ណា ដើម្បីឈានឆ្ពោះទៅសម្រេចបាននូវកិច្ចខិតខំប្រឹងប្រែងធ្វើឲ្យសុ វត្ថិភាពចរាចរណ៍កាន់តែប្រសើរឡើង និងជំរុញឱ្យមានការពាក់មួកសុវត្ថិភាពកាន់តែច្រើនឡើង”។
*****
អំពីអង្គការមូលនិធិបង្ការរបួសអាស៊ី
អង្គការមូលនិធិបង្ការរបួស
អាស៊ី គឺជាអង្គការមិនមែនរដ្ឋាភិបាល
និងមិនស្វែងរកប្រាក់ចំណេញ ដែលមានការប្តេជ្ញាចិត្តយ៉ាងមុតមាំក្នុងការបង្ការការរងរបួស និងការស្លាប់ដោយសារគ្រោះថ្នាក់ចរាចរណ៍នៅក្នុងបណ្តាប្រទេសដែល មានចំណូលទាប និងមធ្យម។ អស់រយៈពេល១៥ឆ្នាំមកហើយដែលអង្គការមូលនិធិបង្ការរបួស អាស៊ី បានអនុវត្តកម្មវិធីសុវត្ថិភាពចរាចរណ៍ដ៏មានប្រសិទ្ធភាពនៅ បណ្តាប្រទេសជាច្រើនរួមមាននៅទ្វីបអាស៊ី
និងទ្វីបអាហ្វ្រិច។ ដើម្បីស្វែងយល់បន្ថែម សូមចូលទស្សនាគេហទំព័រ asiainjury.org ឬភ្ជាប់ទំនាក់ទំនងជាមួយយើងខ្ញុំនៅលើ Twitter @AIPFoundation.
*****
អំពីក្រុមហ៊ុនមេនូឡាយហ្វ៍ខេមបូឌា
(Manulife
Cambodia)
ក្រុមហ៊ុន មេនូឡាយហ្វ៍
(ខេមបូឌា) បានចាប់ផ្ដើមប្រតិបត្តិការរបស់ខ្លួននៅថ្ងៃទី២៨
ខែមិថុនា ឆ្នាំ២០១២។ នេះ
គឺទីផ្សារថ្មីចុងក្រោយរបស់ក្រុមហ៊ុន មេនូឡាយហ្វ៍ ដែលជាក្រុមហ៊ុនធានារ៉ាប់រងអាយុ ជីវិតឈានមុខគេមួយក្នុងពិភពលោក។ ក្នុងនាមជាក្រុមហ៊ុនធានារ៉ាប់រងអាយុជីវិតបរទេសដំបូងគេនៅ ព្រះរាជាណាចក្រកម្ពុជា
ក្រុមហ៊ុនមេនូឡាយហ្វ៍ (ខេមបូឌា) បានប្ដេជ្ញាចិត្តក្នុងការផ្ដល់ជូនអតិថិជននូវផលិតផល និងសេវាកម្មផ្នែកការការពារហិរញ្ញវត្ថុដែលជាតម្រូវការចាំ បាច់របស់ពួកគាត់។
អំពីក្រុមហ៊ុនមេនូឡាយហ្វ៍
ក្រុមហ៊ុន មេនូឡាយហ្វ៍ គឺជាក្រុមហ៊ុនផ្តល់សេវាហិរញ្ញវត្ថុឈានមុខគេដែលមានមូលដ្ឋាន នៅប្រទេសកាណាដា
និងមានប្រតិបត្តិការធំៗនៅអាស៊ី កាណាដា និងសហរដ្ឋអាមេរិក។ ក្រុមហ៊ុនធើ្វប្រតិបត្តិការរបស់ខ្លួននៅ តំបន់នានាក្នុងពិភពលោកក្រោមឈ្មោះថាក្រុមហ៊ុនមេនូឡាយ និងនៅសហរដ្ឋអាមេរិកក្រោមឈ្មោះថាក្រុមហ៊ុន
John Hancock ។ យើងខ្ញុំបានផ្តល់នូវដំណោះស្រាយដែលមានភាពរឹងមាំ
ការជឿជាក់ ទំនុកចិត្ត និងការគិតឆ្ពោះទៅមុខសម្រាប់ការសម្រេចចិត្តដ៏សំខាន់ៗទាក់ទង នឹងហិរញ្ញវត្ថុរបស់អតិថិជន។ បណ្តាញជាលក្ខណៈអន្តរជាតិនៃនិយោជិត
ភ្នាក់ងារ និងដៃគូចែកចាយរបស់យើងខ្ញុំកំពុងផ្តល់ជូនដល់អតិថិជនរាប់ លាននាក់នូវផលិតផល
និងសេវាកម្មការពារផែ្នកហិរញ្ញវត្ថុ និងផែ្នកគ្រប់គ្រងទ្រព្យសម្បត្តិ។ យើងខ្ញុំក៏ផ្តល់ជូនផងដែរនូវសេវាគ្រប់គ្រងទ្រព្យសកម្មជូន ដល់អតិថិជនដែលជាស្ថាប័នផងដែរ។ ថវិកាដែលស្ថិតក្រោមការគ្រប់គ្រងរបស់ក្រុមហ៊ុនមេនូឡាយហ្វ៍ និងក្រុមហ៊ុនសាខារបស់ខ្លួនមានចំនួន ៦៦៣ពាន់លានដុល្លាកាណាដា
(ស្មើនឹង ៥៩១ពាន់លានដុល្លារ អាមេរិក) គិតត្រឹមថ្ងៃទី៣០ ខែកញ្ញា ឆ្នាំ២០១៤។
សាជីវកម្ម
មេនូឡាយហ្វ៍ហ្វាយនែនសល ត្រូវបានជួញដូរក្រោមឈ្មោះ «MFC» នៅក្នុងផ្សារមូលប័ត្រប្រទេសកាណាដា (TSX) ផ្សារមូលប័ត្រញូយ៉ក (NYSE) និងផ្សារមូលប័ត្រហ្វីលីពីន (PSE) ហើយក្រោមឈ្មោះ «945» នៅក្នុងផ្សារមូលប័ត្រហុងកុង (SEHK)។ សម្រាប់ព័ត៌មានបន្ថែមអំពីក្រុមហ៊ុន មេនូឡាយហ៍្វហ្វាយ សូមចូលទៅកាន់គេហទំព័រ manulife.com។
*****
សម្រាប់ទំនាក់ទំនងសារព័ត៌មាន៖
ក្រុមហ៊ុន មេនូឡាយ (ខេមបូឌា)
ភីអិលស៊ី អង្គការមូលនិធិបង្ការរបួស អាស៊ី
លោក ពន្លឺ តុលា លោក គឹម បញ្ញា
នាយកផ្នែកទំនាក់ទំនងអតិថិជន
នាយកប្រចាំប្រទេសកម្ពុជា
លេខទូរស័ព្ទ៖ ០២៣ ៩៦៥
៩៦៥
លេខទូរស័ព្ទ៖ ០១២ ៤២៤ ២៣៤
អ៊ីម៉ែល៖ tola_ponlu@manulife.com អ៊ីម៉ែល៖
pagna.kim@aipf-cambodia.org