មាតាបិតាសិស្សនៅសាលាបឋមសិក្សាវត្តព្រះពុទ្ធចូលរួមវគ្គបណ្តុះបណ្តាលស្តីពីសុវត្ថិភាពចរាចរណ៍ក្រោមការគាំទ្រពីក្រុមហ៊ុន Manulife Cambodia
ចាប់តាំងពីមានការផ្តល់អំណោយមួកសុវត្ថិភាពប្រមាណជាង ៦៤០មួកពីក្រុមហ៊ុន មេនូឡាយហ្វ៍កាលពីខែតុលា ឆ្នាំ២០១៣កន្លងទៅ អត្រាពាក់មួកសុវត្ថិភាពក្នុងចំណោមសិស្សានុសិស្សនៅសាលាបឋម សិក្សា វត្តព្រះពុទ្ធ ក្នុងរាជធានីភ្នំពេញបានកើនឡើងយ៉ាងឆាប់រហ័សពីសូន្យ រហូតដល់ច្រើនជាង ៧៨ភាគរយ។ ដើម្បីរក្សាបាននូវកំណើននៃការពាក់មួកសុវត្ថិភាពនេះ អង្គការមូលនិធិបង្ការរបួស អាស៊ី បានបន្តអនុវត្តសកម្មភាពសុវត្ថិភាពចរាចរណ៍ជាបន្តបន្ទាប់ រួមទាំងជាមួយមាតា-បិតាសិស្ស។
កាលពីថ្ងៃទី១៣, ថ្ងៃទី២៩ ខែវិច្ឆិកា និងថ្ងៃទី១៣ ខែធ្នូ មានមាតាបិតាសិស្សចំនួន ៥៥នាក់ បានចូលរួមនៅក្នុងវគ្គបណ្តុះបណ្តាលមួយដែលផ្តោតលើសុវត្ថិភាព ចរាចរណ៍ និងសារៈសំខាន់នៃការពាក់មួកសុវត្ថិភាពបានត្រឹមត្រូវ និងតួនាទីរបស់មាតាបិតាដើម្បីធានាថាកូនពួកគាត់ពាក់មួកសុវត្ថិ ភាពជារៀងរាល់ថ្ងៃ។ មាតា-បិតា អាណាព្យាបាលសិស្ស ក៏បានធ្វើការសន្យាផងដែរថានឹងពាក់មួកសុវត្ថិភាពឲ្យកូនៗពួក គាត់ជានិច្ច នៅពេលដែលពួកគេរួមដំណើរជាមួយតាមទោចក្រយានយន្ត។