ប្រធានអង្គការមូលនិធិបង្ការរបួស អាស៊ី ជួបពិភាក្សាការងារជាមួយមន្ត្រីជាន់ខ្ពស់នៃរាជរដ្ឋាភិបាលកម្ពុជា
៖ កាលពីពាក់កណ្តាលខែសីហា ឆ្នាំ ២០១៤ លោក ហ្គ្រេជ ក្រាហ្វធ៍ ប្រធានអង្គការមូលនិធិបង្ការរបួស អាស៊ី បានដឹកនាំគណៈប្រតិភូ ចូលជួបពិភាក្សាការងារជាមួយថ្នាក់ដឹកនាំជាន់ខ្ពស់រាជរដ្ឋាភិបាល នៅតាមបណ្តាក្រសួង-ស្ថាប័នមួយចំនួន ដើម្បីបង្ហាញជូន និងពិភាក្សាអំពីគម្រោង “មួកសុវត្ថិភាពមួយ ជួយជីវិតបានម្នាក់”។
ថ្នាក់ដឹកនាំជាន់ខ្ពស់នៃរាជរដ្ឋាភិបាល ដែលលោក ហ្រ្គេជ ក្រាហ្វធ៍
បានជួបពិភាក្សាជាមួយរួមមាន៖ ឯកឧត្តមនាយឧត្តមសេនីយ៍ អគ្គស្នងការរងនគរបាលជាតិ, ឯកឧត្តមទេសរដ្ឋមន្រ្តី ក្រសួងឧស្សាហកម្ម
និងសិប្បកម្ម, ឯកឧត្តមរដ្ឋមន្រ្តី
ក្រសួងសាធារណការ និងដឹកជញ្ជូន, ឯកឧត្តមរដ្ឋមន្រ្តី ក្រសួងអប់រំ យុវជន និងកីឡា, ឯកឧត្តមប្រធាន សហភាពសហព័ន្ធយុវជនកម្ពុជា និងឯកឧត្តមឧបនាយករដ្ឋមន្រ្តី
រដ្ឋមន្ត្រីក្រសួងមហាផ្ទៃ។
អង្គការមូលនិធិបង្ការរបួស អាស៊ីបានទទួលការស្វាគមន៍ និងបដិសណ្ឋាកិច្ចយ៉ាងកក់ក្តៅពីមន្រ្តីជាន់ខ្ពស់នៃរាជរដ្ឋាភិបាល និងទទួលបាននូវការគាំទ្រចំពោះការអនុវត្តគម្រោង “មួកសុវត្ថិភាពមួយ ជួយជីវិតបានម្នាក់” ព្រមទាំងកិច្ចសហការក្នុងការបំពេញកិច្ចការជាមួយគ្នាបន្តទៅមុខ ទៀត។