ស្តីពីការលើកកម្ពស់សុវត្ថិភាពចរាចរណ៍សម្រាប់កម្មករនិយោជិតកម្ពុជាដល់តំណាងសហជីពចំនួន ៨០នាក់ ដើម្បីលើកកម្ពស់សមធម៌នៃលក្ខខណ្ឌការងារក្នុងរោងចក្រ ដែលរួមបញ្ចូលទាំងសុវត្ថិភាពក្នុងការធ្វើដំណើរទៅ មក បំពេញការងាររបស់កម្មករនិយោជិត។ អង្គការមូលនិធិបង្ការរបួសអាស៊ីដែលជាអង្គការដៃគូរបស់មជ្ឈ មណ្ឌលសាមគ្គីភាពប្រារព្ធសិក្ខាសាលាលើកទី២នាថ្ងៃនេះ ដើម្បីបង្ហាញឱ្យឃើញច្បាស់នូវទស្សនៈ     វិស័យអំពី គោលនយោបាយសុវត្ថិភាពចរាចរណ៍ដើម្បីការពារសុវត្ថិភាពកម្មករនិយោជិតរោងចក្រនៅលើ ដងផ្លូវដែលជាផ្នែកមួយនៃកម្មវិធី “លើកកម្ពស់សុវត្ថិភាពចរាចរណ៍សម្រាប់កម្មករនិយោជិតកម្ពុជា”។   ទស្សនៈវិស័យទាំងនោះរួមមាន៖ ការបើកវគ្គបណ្តុះបណ្តាលដល់អ្នកបើកបររថយន្តដឹកជញ្ជូនរួម, ការជំរុញឱ្យកម្មករនិយោជិតដែលធ្វើដំណើរតាមម៉ូតូអាចទទួលបាននូវមួកសុវត្ថិភាពដោយឥតគិតថ្លៃ, ការបណ្តុះបណ្តាលអំពីបច្ចេកទេសនៃការបើក បរម៉ូតូដោយឥតគិតថ្លៃដល់កម្មករនិយោជិត, ការប្តូរពីមធ្យោបាយដឹកជញ្ជូនរួមដោយប្រើរថយន្តដឹកទំនិញទៅជារថយន្តដឹកអ្នកដំណើរដែលមានសុវត្ថិភាព និងការអនុម័ត និងដាក់ឱ្យប្រើប្រាស់គោលនយោបាយសុវត្ថិភាពចរា ចរណ៍សម្រាប់អនុវត្តនៅតាមរោងចក្រទូទាំងប្រទេស។ ទស្សនៈវិស័យទាំងនេះនឹងត្រូវលើកយកមកពិភាក្សាក្នុងសិក្ខាសាលានាថ្ងៃនេះជាមួយថ្នាក់ដឹកនាំសហជីព។ 

ក្នុងឆ្នាំ២០១៩ គ្រោះថ្នាក់ចរាចរណ៍ចំពោះកម្មកររោងចក្រកាត់ដេរសម្លៀកបំពាក់ និងផលិតស្បែកជើងមានចំនួន ៦៩៨ករណី ដែលស្មើនឹង៥៨ករណីក្នុងមួយខែ។ ក្នុងនោះមានកម្មករនិយោជិតចំនួន១៥នាក់បានស្លាប់ និង​១៣៨នាក់ផ្សេងទៀតបានរងរបួសធ្ងន់។ គ្រោះថ្នាក់ចរាចរណ៍មិនត្រឹមតែធ្វើឱ្យប៉ះពាល់ដល់់ជីវិតកម្មករនិយោជិតប៉ុណ្ណោះទេ ថែមទាំងធ្វើឱ្យប៉ះពាល់ដល់ជីវិតសមាជិកក្រុមគ្រួសារ២លាននាក់ និងផលិតភាពរបស់រោងចក្រដែល​ពឹងផ្អែកលើកម្លាំងពលកម្មរបស់ពួកគេទៀតផង។ ក្នុងរយៈពេលមួយទសវត្សរ៍ចុងក្រោយនេះ វិស័យកាត់ដេរសម្លៀកបំពាក់នៅក្នុងប្រទេសកម្ពុជាមានការរីកចំរើនគួរឱ្យកត់សម្គាល់ ប៉ុន្ដែសុវត្ថិភាពក្នុងការធ្វើដំណើររបស់កម្មករនិយោជិតនៅតែជាបញ្ហាប្រឈម ប្រកបដោយគ្រោះថ្នាក់។ ជាលទ្ធផល អត្រាស្លាប់ និងរងរបួសនៅតែមានកម្រិតខ្ពស់។ 

លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការគណៈកម្មាធិ​ការជាតិសុវត្ថិភាពចរាចរណ៍បានមានប្រសាសន៍ថា៖“កម្មកររោងចក្រគឺជាផ្នែកដ៏ធំមួយនៃសហគមន៍។ ការរួមចំ ណែករបស់ពួកគេចំពោះប្រទេសជាតិ  និងសេដ្ឋកិច្ចគួរតែទទួលបានការយកចិត្តទុកដាក់លើការថែទាំផ្នែកសុខុ មាលភាព និងសុវត្ថិភាព។ សហជីពកម្មករដើរតួនាទីយ៉ាងសំខាន់ក្នុងការការពារផលប្រយោជន៏របស់កម្មកររោងចក្រដែលមិនត្រឹមតែផ្តោតទៅលើ “សិទ្ធិ” ក្នុងលក្ខខណ្ឌកំពុងបំពេញការងារក្នុងរោងចក្រប៉ុណ្ណោះទេ ប៉ុន្តែថែមទាំងនៅក្នុងពេលធ្វើដំណើរទៅមកបំពេញការងារទៀតផង។ ដូច្នេះហើយ ទើបចាំបាច់ត្រូវមានកិច្ចសហការល្អរវាងសហជីពកម្មករ និងអ្នកពាក់ព័ន្ធ ដើម្បីលើកកម្ពស់សុវត្ថិភាពក្នុងការធ្វើដំណើរ និងភាពសុខដុមនិងដំណើរការល្អនៅក្នុងរោងចក្រសហគ្រាស។”

នាយកស្ថានបេសកកម្មទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) ប្រចាំប្រទេសកម្ពុជា លោកស្រី Veena Reddy លើកឡើងដូច្នេះថា “ពួកយើងសង្ឃឹមថាសិក្ខាសាលានេះនឹងចូលរួមក្នុងការស្វែងរកដំណោះស្រាយដើម្បីធានានូវការធ្វើដំណើរប្រកបដោយសុវត្ថិភាពសម្រាប់កម្មករ និយោជិតនៅក្នុងវិស័យការងារ”។

លោក គឹម បញ្ញា នាយកអង្គការមូលនិធិបង្ការរបួសអាស៊ីប្រចាំនៅកម្ពុជាមានប្រសាសន៍ថា “ថ្នាក់ដឹកនាំសហជីពកម្មករមានតួនាទីសំខាន់ក្នុងការទាក់ទាញមតិគាំទ្រ ក្នុងនាមតំណាងឱ្យសមាជិករបស់ពួកគេដើម្បីភាពកាន់តែប្រសើរឡើងនូវលក្ខខណ្ឌការងារ រួមទាំងសុវត្ថិភាពក្នុងការធ្វើដំណើររបស់កម្មករនិយោជិត និងមធ្យោបាយក្នុងការធ្វើដំណើរផងដែរ។ យើងសង្ឃឹមថាតាមរយៈសិក្ខាសាលា នេះ សហជីពកម្មករនឹងទទួលបានការលើកទឹកចិត្តឱ្យហ៊ានលើកឡើងអំពីបញ្ហានៃការធ្វើដំណើរ និងធ្វើការអំពាវនាវដល់ក្រុមបញ្ជាទិញ និងរោងចក្រឱ្យចាត់បញ្ហាសុវត្ថិភាព និងសុខុមាលភាពរបស់កម្មករនិយោជិតជាអាទិភាពខ្ពស់”។ 

លោក William Conklin នាយកមជ្ឈមណ្ឌលសាមគ្គីភាពប្រចាំប្រទេសកម្ពុជាបានមានប្រសាសន៍ថា៖ “ការដោះស្រាយបញ្ហាសិទ្ធិ និងសុវត្ថិភាពកម្មករនិយោជិតពុំអាចសម្រេចបានដោយដំណោះស្រាយតែមួយឯកឯងឡើយ។  វាពឹងផ្អែកលើការប្តេជ្ញាចិត្ត និងកិច្ចសហប្រតិបត្តិការពីសំណាក់ថ្នាក់ដឹកនាំផ្នែកសុវត្ថិភាព ភាគីឧស្សាហកម្ម និងសហជីព និងដៃគូ ក៏ដូចជាការផ្លាស់ប្តូរជារូបិយដូចជាការផ្តល់មធ្យោបាយធ្វើដំណើរដែលមានសុវត្ថិភាព មួកសុវត្ថិភាពដែលមានគុណភាពខ្ពស់និងសិក្ខាសាលាអប់រំដែលអាចជួយលើកកម្ពស់ការរស់នៅរបស់កម្មករនិ យោជិត”។

###
អំពី USAID
USAID ត្រូវបានបង្កើតឡើងនៅឆ្នាំ ១៩៦១ ដោយប្រធានាធិបតី John F. Kennedy និងមានតួនាទីជាទីភ្នាក់ងារនាំមុខរបស់រដ្ឋាភិបាលសហរដ្ឋអាមេរិកផ្នែកលើជំនួយអន្ដរជាតិ។ ចាប់តាំងពីឆ្នាំ១៩៩២ USAID បានផ្ដល់ជំនួយជាង ១ពាន់លានដុល្លារសម្រាប់ការអភិវឌ្ឍកម្ពុជា។

អំពីមជ្ឈមណ្ឌលសាមគ្គីភាព 
មជ្ឈមណ្ឌលសាមគ្គីភាពជាអង្គការសហរដ្ឋអាមេរិកធំបំផុតផ្នែកសិទ្ធិកម្មករនិយោជិតអន្តរជាតិ ដែលចូលរួមក្នុងការសម្រេចនូវបរិស្ថានការងារដែលមានសុវត្ថិភាព និងផាសុកភាព ប្រាក់ឈ្នួលដែលផ្គត់ផ្គត់ទាំងគ្រួសារ សេចក្ដីថ្លៃថ្នូរពេលបំពេញការងារ និងសមភាពខ្ពស់ជាងនៅកន្លែងការងារ និងនៅក្នុងសហគមន៍។ 

អំពីអង្គការមូលនិធិបង្ការរបួសអាស៊ី
អង្គការមូលនិធិបង្ការរបួសអាស៊ី គឺជាអង្គការមិនមែនរដ្ឋាភិបាល និងមិនស្វែងរកប្រាក់ចំណេញ ដែលមានការ​ប្តេ​ជ្ញាចិត្តយ៉ាងមុតមាំក្នុងការបង្ការការរងរបួស និងការស្លាប់ដោយសារគ្រោះថ្នាក់ចរាចរណ៍នៅក្នុងបណ្តាប្រទេសដែលមានចំណូលទាប និងមធ្យម។ អស់រយៈពេលជាង២០ឆ្នាំមកហើយដែលអង្គការមូលនិធិបង្ការរបួសអាស៊ី បានអនុវត្តកម្មវិធីសុវត្ថិភាពចរាចរណ៍ដ៏មានប្រសិទ្ធភាពនៅបណ្តាប្រទេសជាច្រើនរួមមាននៅទ្វីបអាស៊ី និងទ្វីបអាហ្វ្រិច។ ដើម្បីស្វែងយល់បន្ថែម សូមចូលទស្សនាគេហ   ទំព័រ www.aip-foundation.org  ឬភ្ជាប់ទំនាក់ទំនងជាមួយយើងខ្ញុំនៅលើ Twitter @AIPFoundation ។

សម្រាប់ព័ត៌មានបន្ថែម សូមទំនាក់ទំនង៖
លោក គឹម បញ្ញា នាយក អង្គការមូលនិធិបង្ការរបួសអាស៊ី ប្រចាំនៅកម្ពុជា
ផ្ទះលេខ ១៨បេអឺ ផ្លូវលេខ ៣៤៨ សង្កាត់ទូលស្វាយព្រៃទី១ ខណ្ឌបឹងកេងកង រាជធានីភ្នំពេញ
ទូរស័ព្ទលេខ៖ ៨៥៥ ១២ ៤២៤ ២៣៤  អ៊ីម៉ែល៖ pagna.kim@aipf-cambodia.org ៕