ការពាក់មួកសុវត្ថិភាពបានត្រឹមត្រូវ នឹងជួយកាត់បន្ថយភាពធ្ងន់ធ្ងរនៃការទទួលរងរបួសនៅពេលកើតមានគ្រោះថា្នក់ចរាចរណ៍។ អ្នកគួរតែពិនិត្យឲ្យបានជាប់ជាប្រចាំលើមួកសុវត្ថិភាពរបស់អ្នកថាតើមានស្នាមបែកឬប្រេះស្នាមទ្រុឌ ឬប្រហោងមុនពេលប្រើប្រាស់វាដោយសារចំណុចអសកម្មទាំងនេះ នឹងកាត់បន្ថយនូវកម្រិតនៃការការពារដែលកើតឡើងពីការពាក់មួកសុវត្ថិភាព។
ជំហានសំខាន់ៗចំនួន៣សម្រាប់ការពាក់មួកសុវត្ថិភាពឲ្យបានត្រឹមត្រូវរួមមាន៖
- ជ្រើសរើសមួកសុវត្ថិភាពដែលត្រូវនឹងទំហំក្បាលរបស់អ្នក។ មួកសុវត្ថិភាពនោះគួរតែមានភាពតឹងណែនល្មមដោយអាចកម្រើកបានតិចតួចប៉ុណ្ណោះ។
- ដាក់មួកសុវត្ថិភាពឲ្យចំផ្នែកកណ្តាលនៃក្បាលដោយធានាឲ្យមានការការពារបានគ្រប់គ្រាន់នៅផ្នែកខាងមុខ។ វិធីដ៏ល្អមួយក្នុងការវាស់វែងអំពីចំណុចដ៏សំខាន់នេះ គឺត្រូវមានគម្លាតប្រមាណពីរធ្នាប់ដៃរវាងផ្នែកខាងលើនៃចិញ្ចើម និងមួកសុវត្ថិភាព។
- ដាក់គន្លឹះកិបនៅត្រង់ចង្ការឲ្យបានជាប់ និងតឹងណែនល្មម។
ប្រសិនបើអ្នកជ្រើសរើសមួកសុវត្ថិភាព ដែលមានកញ្ចក់របាំងមុខអ្នកគួរជ្រើសរើសកញ្ចក់របាំងមុខទាំងឡាយណាដែលស្អាត
និងភ្លឺច្បាស់ល្អដោយពុំមានប្រឡាក់ធូលី ឬស្នាមឆូត។
កញ្ចក់របាំងមុខត្រូវបានរចនាឡើងដោយផ្តល់ឲ្យលោក-អ្នកអាចមើលឃើញចលនានៅផ្នែកទាំងសងខាងក្នុងកម្រិតអតិបរមា
និងគួរតែអាចឲ្យខ្យល់ចេញចូលបានសមស្របដើម្បីកាត់បន្ថយភាពស្រអាប់នៅលើផ្ទៃកញ្ចក់។
