ការប្រើប្រាស់ល្បឿន មិនមែនសំដៅលើត្រឹមតែការបើកបរតាមការកំណត់របស់ច្បាប់នៅលើដងផ្លូវ ឬនៅតំបន់ទីប្រជុំជននោះទេ។ ល្បឿន ទាក់ទងគ្រប់ពេលទាំងអស់នៅពេលអ្នកប្រើប្រាស់យានជំនិះទាំងអស់ប្រើល្បឿនមិនសមស្របនៅលើដងផ្លូវ កន្លែងណាមួយដែលវាធ្វើឲ្យអ្នកប្រើប្រាស់ទាំងឡាយប្រឈមនឹងគ្រោះថ្នាក់។ នៅក្នុងករណីគ្រោះថ្នាក់ចរាចរណ៍មួយបើអ្នកបើកបរប្រើល្បឿនកាន់តែលឿននោះហានិភ័យនៃការទទួលរងរបួសធ្ងន់ធ្ងរ ឬដល់ស្លាប់កាន់តែមានកម្រិតខ្ពស់សម្រាប់អ្នកបើកបរ អ្នករួមដំណើរ ឬអ្នកថ្មើរជើង។
អ្នកធ្វើដំណើរតាមម៉ូតូគឺជាអ្នកដែលងាយទទួលរងគ្រោះពាក់ព័ន្ធនឹងការប្រើល្បឿនមិនសមស្របហើយ ប្រឈមនឹងហានិភ័យនៃការទទួលរងរបួសធ្ងន់ធ្ងរខ្លាំងជាងអ្នកធ្វើដំណើរតាមរថយន្ត។ អ្នកធ្វើដំណើរតាមម៉ូតូគួរតែប្រើប្រាស់ល្បឿនមួយ ដែលអាចតបទៅនឹងគ្រោះថ្នាក់ដែលមិនបានរំពឹងទុកថាកើតមានឡើងដូចជាអ្នកថ្មើរជើងឆ្លងកាត់គ្រោះថ្នាក់ចរាចរណ៍ សត្វដើរឆ្លងផ្លូវ ឬការប្តូរគន្លងផ្លូវ។
ការប្រើល្បឿនមិនសមស្របបង្កើននូវហានិភ័យនៃការទទួលរងគ្រោះថ្នាក់ចរាចរណ៍ ដោយសារមូលហេតុសំខាន់ៗ មួយចំនួនដូចខាងក្រោម៖
- មានពេលវេលាតិចតួចដើម្បីសម្គាល់ និង តបទៅនឹងគ្រោះថ្នាក់ចម្ងាយនៃការបញ្ឈប់យាន្ត
- មានចម្ងាយវែងជាងពេលប្រើប្រាស់ល្បឿនកាន់តែលឿន
- ប្រថុយប្រថានខ្ពស់នឹងការបាត់បង់នូវភាពម្ចាស់ការលើយានយន្ត
- អ្នកប្រើប្រាស់ផ្លូវដទៃទៀតរួមទាំង អ្នកថ្មើរជើងអាចគិតខុសពីល្បឿនរបស់អ្នកដូចនេះគេអាចឆ្លងចូលផ្លូវរបស់អ្នក ឬក៏ដើរចេញមកចំមុខរបស់អ្នក
- ល្បឿនក៏បង្កើនឥរិយាបថគ្រោះថ្នាក់ក្នុងការបើកបរដូចជាបើកបំពានចរាចរណ៍ ឬមិនគោរពភ្លើងសញ្ញាពណ៏ក្រហម។
ការប្រើប្រាស់ល្បឿនមិនសមស្របគឺអាចការពារបាន។ អ្នកបើកបរគួរតែមានភាពប្រុងប្រយ័ត្នអំពីល្បឿនរបស់ពួកគេនៅពេលបើកបរលើដងផ្លូវហើយធ្វើការកំណត់ឲ្យបានត្រឹមត្រូវនៅពេលទៅដល់តំបន់មានចរាចរណ៍ចង្អៀតឬអាកាសធាតុមិនល្អ។ អ្នកបើកបរគួរតែប្រុងប្រយ័ត្ន និងដឹងពីអ្វីនឹងអាចកើតឡើងជុំវិញខ្លួនហើយត្រូវប្រាកដថាមានចម្ងាយសុវត្ថិភាពរវាងយានយន្តរបស់ខ្លួន និងយានយន្តរបស់អ្នកដទៃ។
